Ha habiu de pasar bell mes dica que he puesto achuntar ixa valentía que cal tener pa decir-le adios a un buen amigo. Encara puedo sentir ixe arizón y la fredor que se ficó en o mio interior escruixnando-me quan me gritoron decindo-me te'n hebas iu pa siempre. Feba masiau tiempo que no nos veyébanos fisicament, manimenos sabes que ixe vinclo que tenébanos contina encara vivo. O tiempo no ye res en una amistanza quan a suya alazetada ye cerenya. Siento que bella parte mía ye fendo-te companyía en o tuyo viache, antiparte bell secreto que te confesé y que dengún nunca no lo conoixerá.
Trobaré a faltar ixe humor somardón que tenebas, o tuyo caracter irreverent y ixa cara que metebas quan bella situación no t'agradaba, yerás incapable de fer o papel.
Encara me foi acordanza d'ixas parabras que me dicies bella vez: "ye que somos iguals" y razón, no te'n faltaba Matucán. Nos pareixébanos más que no te pensabas AMIGO.
Día sin atro continaré trobando-te a faltar. Que vaiga bien Pablo! Fe libre o tuyo camín.
No hay comentarios:
Publicar un comentario