O baile

 

Nos miramos fito-fito, me fa goyo lo que siento. Bella cosa emanan os tuyos uellos que se fica en yo, no puedo describir-lo con parabras.

Quiero que chuguemos, te'n rides, en rabio de sentir a tuya piel. M'aflairo ta tu, m'evitas, fas a risalleta.

O chuego contina, de momento... me furtas un beso. Me puya una furnada, se me meten os pels de punta, siento a tuya ulor.

Paso a mía luenga per o tuyo cuello, fas fiestetas en a mía espalda. Tornas a besar-me, a tuya luenga ye o millor arnalico de bresca que nunca no tasté.

A moniquet y cutio cutio m'espullas, pasas a tuyas mans per o mío peito, continas fendo-me besos.  Somos a saber que raixosos.

Te sacas a ropa, mientres dezaga de tú lamino o tuyo cuello unatra vez entre que pillo os tuyos peitos entre as mans mías.

Nos abrazamos, piel cuentra piel, nos ne emocionamos, tremolo preixinado lo que falta encara.

Comencipia o baile, a lo compás d'os nuestros chemecos, sisquia fuese un baile eterno.

Quiero que sigamos uno, afundir-nos chuntos dica la fin... ixe momento, que en esbotar, plegaremos en un mundo magnetico y pleno de enerchía clamau felicidat.

Chafadas d'una vida

Ixas campaduras que deixamos mientres vivimos, son l’espiello an que se refleixa os camins que somos fendo. Muitas en son d’ida, transitadas con deleria y langaria,  deseyando arribar a ixe obchetivo que nos esbixola de nueiz. Atrás en son de tornada, desfendo o camín , fa dolor deixar ixe puesto an que trobemos a felicidat. Manimenos cal saber o momento en que pertoca ir-se-ne y prener unatro destín.

As chafadas que marcan as direccions que esleximos en a  vida, no son pas eternas, muitas las saca a vida igual como fa o mar cuan cubre con as suyas olas las que n'i hai en a orilla. Ixas que en sobreviven encara, tot y que belunas no nos n'agraden, ye lo que somos a nuestra esencia.